The Boss Baby (2017)

ဇာတ်လမ်းအကျဉ်း
——————-
အသက်(၇)နှစ်အရွယ် တင်မ်တန်ပယ်လ်တန်ဟာ ဖခင်တက်ဒ်၊မိခင်ဂျနစ္စတို့နဲ့အတူ ကလေးသဘာဝ မရိုးနိုင်တဲ့ စိတ်ကူးနိုင်တဲ့ စိတ်ကူးယဉ်စွန့်စားခန်းနေ့ရက်များစွာကို ဖြတ်သန်းနေထိုင်ပြီး မိသားစု သုံးယောက်တည်း ထာဝရနေထိုင်သွားဖို့ မျှော်လင့်ထားတာပါ။ တစ်ရက်မှာ တင်မ်အတွက် ထူးဆန်းအံ့သြဖွယ်ရာကိစ္စတစ်ခုဖြစ်လာခဲ့ပါတယ်။ အဲဒါတော့ ဝတ်စုံအကျအန ဝတ်ထားတဲ့ ကလေး ပေါက်စ တစ်ယောက် သူ့အိမ် ရောက်လာတာဖြစ်ပြီး တင်မ်ရဲ့ အဖေနဲ့ အမေကလည်း ပျာပျာသလဲကိုကြိုဆိုနေကာ တင်မ်ရဲ့ ညီလေးလို့လည်း ပြောကြပါတယ်။

အဲဒီအခါမှာ တစ်ဦးတည်း သော သားအဖြစ် ဗိုလ်ကျနေထိုင်လာတဲ့ တင်မ်ဟာ နောက်မှ ရောက်လာပြီး အဖေရော၊ အ မေရော အလုပ်တွေရှုပ်၊ အိပ်ရေးတွေပျက်၊ တင်မ်ကိုယ်တိုင်လည်း အိပ်မရ ဖြစ်ခဲ့သလို အခွင့်ထူးခံ နေတဲ့ ကလေးလေးအပေါ် မနာ လိုစိတ်တွေ ဖြစ်ခဲ့ပါတယ်။

ကလေးကလည်း တင်မ်ကြည့်မရတာလည်း မပြောနဲ့ မျိုးစုံဒုက္ခ တွေပေး၊ ပြဿနာတွေရှာသလို တင်မ်တစ်ယောက် မနိုင်ခဲ့ပါဘူး။ အဲဒီကလေးက အဖေ၊ အမေရှေ့မှာကျတစ်မျိုး တင်မ်နဲ့ နှစ်ယောက်တည်းဆိုရင် တစ်မျိုးနဲ့ အတော် လေးကို  အမြင်ကတ်စရာပါ။

နောက်များမကြာမီမှာတော့   အဲဒီကလေးလေးဟာ လူကြီးတစ် ယောက်လို စကားပြောတတ်နေ တာကို တင်မ်သိရှိခဲ့ပြီး သူ့ကိုယ် သူလည်း The Boss လို့ မိတ် ဆက်ခဲ့ပါတယ်။ အဲဒီကလေးကို မောင်းထုတ်ပစ်ချင်နေတဲ့ တင်မ် ဟာ ဘော့စ်ဘေဘီနဲ့အခြား ကလေးပေါက်စတွေ  ပြောဆိုနေ တာတွေကို မှတ်တမ်းတင်ထား ပြီး ကလေးပေါက်စတွေဟာ ခွေး လေးတွေက ကလေးတွေထက် ပို အချစ်ခံရတဲ့အကြောင်း အကြီးအ ကျယ်ဆွေးနွေးနေကြတာ ဖြစ်ပါ တယ်။

ဘော့စ်ဘေဘီနဲ့ အခြားကလေးတွေရဲ့ ဆွေးနွေးခန်းကို တင်မ် ဗီဒီယိုခိုးရိုက်ထားတယ်ဆို တာ ဘော့စ်ဘေဘီ သိသွားတဲ့ နောက် တင်မ်အကြိုက်ဆုံးအရုပ် ကို  ဖျက်ဆီးပစ်မယ်လို့ ခြိမ်း ခြောက်ကာ တိပ်ခွေကို ဖျက်ဆီး ပစ်ခဲ့ပါတယ်။  နောက်ဆုံးမှာ တော့ တင်မ်ဟာ အဖေနဲ့အမေ ကို ကလေးလေးအကြောင်း ပြော ခွင့်မရခဲ့ဘဲ နောက်ဆုံးတော့သူပဲ အဆူခံခဲ့ရပါတော့တယ်။

နောက်တော့ ဘော့စ်ဘေဘီ ဟာ သူနဲ့အခြားကလေးတွေကို သူလိုမျိုး လူကြီးတစ်ယောက်လို လုပ်ဆောင်နိုင်တဲ့ ကလေးတွေရှိ ရာ ဘေဘီကော်ပိုရှေးရှင်းကို ပို့ ပေးဖို့ တင်မ်ကို ဖိအားပေးခဲ့ပါ တယ်။ ဘော့စ်ဘေဘီဟာ ခွေး တွေနဲ့ပတ်သက်တဲ့ လျှို့ဝှက်စစ် ဆင်ရေးတစ်ခုကို လုပ်နေတာမို့ ပါပီကုမ္ပဏီမှာ အလုပ်လုပ်နေတဲ့ တင်မ်ရဲ့ မိဘတွေဆီကနေ အ ချက်အလက်တွေရယူဖို့အတွက် ရောက်လာတာဖြစ်တယ်လို့ တင်မ်ကိုပြောပြခဲ့ပါတယ်။

ဘော့စ်ဘေဘီနဲ့ တင်မ်တို့ နှစ်ယောက်သား အဆင်ပြေသွား ခဲ့ကြပြီး ပါပီကုမ္ပဏီထဲကို လျှို့ ဝှက်ထောက်လှမ်းဖို့ လုပ်ခဲ့ကြပါ တော့တယ်။ ဒီလိုလျှို့ဝှက်ထောက် လှမ်းရင်း ညီအစ်ကိုနှစ်ယောက် ဘယ်လို အခက်အခဲ တွေ့ကြုံရ ဦးမှာလဲ။ တင်မ်တို့ မိသားစုနဲ့ ဘော့စ်ဘေဘီတို့ ဘယ်လိုအနေ အထားနဲ့ အဆုံးသတ်မှာလဲဆို တာ ဆက်ကြည့်လိုက်ဦးနော်။

ဒီဇာတ်ကားထဲက အသံသ ရုပ်ဆောင်တွေကတော့ ဘော့စ် ဘေဘီနေရာက မင်းသားကြီးအ လက်ဘော်လ်ဒွင်၊ တင်မ်ငယ်စဉ် အချိန်က မိုင်လ်ခရစ္စတိုဖာဘက် ရှီ၊ အရွယ်ရောက်ပြီး တင်မ်နေရာ က တိုဘီမက်ကွိုင်း၊ တက်ဒ်နေရာ က ဂျင်မီကင်မယ်လ်၊ ဂျနစ္စနေ ရာက လီဆာကူဒရိုးတို့ပဲ ဖြစ်ပါ တယ်။

(ဇာတ်လမ်းအကျဉ်းကိုတော့ 7Daydaily မှကူးယူဖော်ပြထားတာဖြစ်ပါတယ်)