Splash (1984)

Splash (1984) မြန်မာစာတန်းထိုး

၁၉၆၄ ခုနှစ်
အသက် ၈ နှစ်အရွယ် အယ်လန်ဘာဝါ နဲ့
သူ့မိသားစုဟာ Cape Cod ကျွန်းဆွယ်မှာ
အပျော်စီး သင်္ဘောတစ်စီးနဲ့ ခရီးထွက်ခဲ့ကြတယ်
အယ်လန်ဟာ ရေ မျက်နှာပြင်အောက်က
အရာတစ်ခုခုကို ကြည့်နေရင်း
ရေထဲကိုခုန်ဆင်းလိုက်တယ်။
ပင်လယ်ရေအောက်ထဲမှာ သူနဲ့ရွယ်တူ
မိန်းကလေးတစ်ဦးနဲ့ တွေ့ဆုံခဲ့ပြီး
ရေအောက်မှာ အသက်ရှုနိုင်တာကိုလည်း
နားမလည်နိုင်စွာ တွေ့ရှိခဲ့တယ်။
သင်္ဘောပေါ်က လူကြီးတစ်ယောက် က
ရေထဲဆင်း ကယ်တင်ပြီး နောက်မှာ
သူတို့ နှစ်ဦးလည်း ကွဲကွာသွားခဲ့ရတယ်။
ထိုမိန်းကလေးကို သူမှလွဲပြီး
အခြားဘယ်သူမှလည်း မတွေ့လိုက်ရပေ။
တွေ့ဆုံမှုဟာ အိပ်မက်လိုလို အဖြစ်နဲ့
အယ်လန်က ယုံကြည်လာခဲ့တယ်။
နောင် နှစ် ၂၀ ကြာပြီးနောက်
၁၉၈၄ ခုနှစ်မှာ အယ်လန် ဟာ ညီအစ်ကိုဖြစ် ဖရက်ဒီနဲ့
နယူယောက်မြို့ရှိ သစ်သီးဝလံနဲ့
ဟင်းသီးဟင်းရွက် လက်ကားလုပ်ငန်းတစ်ခုမှာ
ပူးတွဲပိုင်ရှင်ဖြစ်နေခဲ့ပြီ ။
နှစ်များစွာ တစ်လျှောက်လုံးမှာလည်း
လျှို့ဝှက်ဆန်းကြယ်တဲ့ မိန်းကလေနဲ့
သူခံစားခဲ့နေရတဲ့ ဆက်စပ်မှုကို
မသိစိတ်က ရှာဖွေနေမိတာကြောင့်
အယ်လန်ဟာ လူမှုဆက်ဆံရေးတွေမှာ
အဆင်မပြေ ဖြစ်နေခဲ့တယ်။
ဒီလိုနဲ့ စိတ်ဓာတ်ကျနေတဲ့ အယ်လန် ဟာ
တစ်ရက်မှာ အရက်တွေသောက်ပြီး မူးမူနဲ့
Cape Cod ကျွန်းဆွယ်ကို သွားမိလိုက်တယ်။
အဲ့ဒီ ကျွန်းဆွယ်မှာ သူ့ရဲ့ မော်တော်ဘုတ် ချွတ်ယွင်းပြီး
ပင်လယ်ထဲသို့ ကျကာ သတိလစ်သွားခဲ့တယ်။
သူနဲ့ပါလာတဲ့ ပိုက်ဆံအိတ်ကလည်း
အောက်က သန္တာကျောက်တန်းပေါ်ကို
ပြုတ်ကျသွားခဲ့တယ်။
စကားမပြောနိုင်ပဲ ချောမောလှပတဲ့
ကိုယ်လုံးတီး အမျိုးသမီးတစ်ဦးနဲ့အတူ
အယ်လန် ဟာ ကမ်းခြေတစ်ခုမှာ နိုးလာခဲ့တယ်။
ထိုအမျိုးသမီးက သူ့ကို နမ်းပြီးနောက်
ပင်လယ်ထဲသို့ ခုန်ဆင်းကာ ရေသူမလေးအဖြစ်
ပြောင်းလဲသွာတာကိုတော့ အယ်လန် မမြင်လိုက်ရပေ။
ရေသူမလေးလည်း ရေအောက်မှာ ကူးခတ်နေရင်း
ရေငုပ်နေတဲ့ ခွန်းဘတ် ဆိုတဲ့ ခပ်ကြောင်ကြောင်
သိပ္ပံပညာရှင်တစ်ယောက်နဲ့
အမှတ်မထင် တွေ့ဆုံမိသွားတယ်။
ရေသူမလေးလည်း
ကြောက်လန့်ကာ ထွက်ပြေးကူးခပ်ရင်း
အယ်လန်ရဲ့ ပိုက်ဆံအိတ်ကိုရှာတွေ့ပြီး
နယူယောက်မြို့ကိုရှာဖွေဖို့
နစ်မြုပ်နေတဲ့ သင်္ဘောတွေထဲက
မြေပုံတွေကို အသုံးပြုရင်း
အယ်လန် နောက်ကိုလိုက်သွားဖို့ ဆုံးဖြတ်လိုက်တယ်။
ရေသူမလေးဟာ နယူယောက်မြို့က
လွတ်လပ်ရေးရုပ်ထုရှေ့မှာ
ကိုယ်လုံးတီးနဲ့ ကမ်းပေါ်တက်လာတဲ့အချိန်
ရဲတွေရဲ့ ဖမ်းဆီးခြင်းကို ခံလိုက်ရပြီး
ရဲတွေက အယ်လန် ရဲ့ ပိုက်ဆံအိတ်က
အချက်အလက်တွေကို ကြည့်ပြီး
အယ်လန်ကို ဆက်သွယ်ကာ
လျှို့ဝှက်ဆန်းကြယ်တဲ့မိန်းကလေးကို
လွှဲပြောင်းပေးလိုက်ပြီး
နောက်မှာတော့ …….
ဒီရုပ်ရှင်ဇာတ်ကာဟာ
၁၉၈၄ ခုနှစ်က ထွက်ရှိခဲ့တဲ့
ရေသူမလေးရဲ့ ချစ်ပုံပြင် ဆိုတဲ့
အချစ်ဇာတ်လမ်းလေးပါ ။
Tom Hanks နဲ့
မင်းသမီးချောလေး Daryl Hannah တို့
သရုပ်ဆောင်ထားကြပါတယ်။