Den of Thieves 2: Pantera (2025)

Den of Thieves 2: Pantera (2025) မြန်မာစာတန်းထိုး

ဖောက်ထွင်းတဲ့သူခိုးတွေနဲ့ ရဲတွေကြားမှာ ရှယ်အားပြိုင်တဲ့ အက်ရှင်ဇာတ်ကားကောင်းကြိုက်တဲ့လူတွေအတွက် 2018 ခုနှစ်တုန်းက အကောင်းဆုံးချပြပေးသွားတဲ့ Den Of Thieves ဆိုတဲ့အက်ရှင်ဇာတ်ကားကို မှတ်မိတဲ့လူတော်တော်များများရှိကြဦးမှာပါ။အခု 2025 မှာတော့ အဲ့ဒီအကြမ်းစားအက်ရှင်ကားရဲ့ ဒုတိယမြောက်ကား ဆက်လက်ထွက်ရှိလာခဲ့ပြီဖြစ်ပါတယ်။နာမည်ကိုတော့ Den Of Thieves 2 : Pantera လို့နာမည်ပေးထားပြီး IMDb Rating လည်း 6.6 အထိရရှိထားတဲ့အတွက် ပထမကားကိုလိုက်မှီအောင် ပြီးစလွယ်မရိုက်ကူးဘဲ သေချာရိုက်ကူးထားတာကိုတွေ့ရမှာဖြစ်ပါတယ်။ဒုတိယမြောက်ကားရဲ့အစမှာတော့ ဒီကားရဲ့ထုံးစံအတိုင်း ကျားသစ်လို့ခေါ်တဲ့အဖွဲ့တစ်ဖွဲ့က လေယာဉ်တစ်စီးပေါ်ကစိန်တွေကိုအကွက်ကျကျလုယက်ခဲ့တာကိုတွေ့ရမှာဖြစ်ပါတယ်။အဲ့ဒီနောက်ပိုင်းမှာတော့ ဒီထက်ပိုကြီးမားတဲ့ စိန်လုယက်မှုကြီးတစ်ခုကိုထပ်လုပ်ဖို့အတွက် ပထမကားတုန်းက အရည်အချင်းတွေပြခဲ့တဲ့ ဒေါ်နီ့ကို ကျားသစ်အဖွဲ့က သိမ်းသွင်းခဲ့ပါတော့တယ်။ဖြစ်ချင်တော့ ဒေါ်နီရဲ့ရန်သူတော်ကြီး နစ်ခ်ကလည်း ဒီလုယက်မှုတွေအကြောင်းကိုကြားပြီး ဒေါ်နီ့နောက်ကိုလိုက်လာခဲ့ပါတော့တယ်။ဒါပေမယ့်ဒေါ်နီ့ကိုဖမ်းဖို့မဟုတ်ဘဲ သူနဲ့အတူတူ ဒီစိန်ခိုးမှုကြီးမှာပါဝင်ချင်နေတာဖြစ်ကြောင်းသိလိုက်ရတဲ့အခါမှာတော့ နစ်ခ်နဲ့ဒေါ်နီ ရဲနဲ့သူခိုးတွေက အတူတူပူးပေါင်းပြီးစိန်ခိုးဖို့ဖြစ်လာပါတော့တယ်။ဒီလိုနဲ့သူတို့ရဲ့စိန်ခိုးမဲ့အစီအစဉ်တွေကို ဒီကားရဲ့ထုံးစံအတိုင်း အလန်းစားဖောက်ထွင်းမှုတွေ အက်ရှင်တွေနဲ့ ရှုစားရဦးမှာဖြစ်တဲ့အတွက် အက်ရှင်ကားကြိုက်သူတွေအတွက် ကြည့်သင့်တဲ့ဇာတ်ကားလေးတစ်ကားဖြစ်ကြောင်းညွှန်းပေးလိုက်ပါတယ်။

Review Credit