Encanto (2021)

Encanto (2021)

Disney ကနေအသစ်ထွက်ရှိလာတဲ့Encantoဆိုတဲ့ကာတွန်းကားအသစ်လေးကိုတင်ဆက်ပေးလိုက်ပါတယ်
ဇာတ်လမ်းအကြောင်းကတော့ Colombia ရဲ့ယဉ်ကျေးမှုရိုးရာဓလေ့၊နေထိုင်မှုပုံစံတွေနဲ့ မိသားစုဘဝ‌တွေအကြောင်းကိုအသားပေးဖော်ပြထားတဲ့ဇာတ်လမ်းဖြစ်ပါတယ်။ Disney ရဲ့ဇာတ်ကားဆိုတဲ့အတိုင်းအဆုံးသတ်မှာ မှတ်သားစရာ၊အတုယူစရာတစ်ခုတော့ကျန်ရစ်ခဲ့မယ့်ကားလေးပါ။ ဇာတ်လမ်းအစကတော့ Encantoဆိုတဲ့မြို့လေးမှာနေတဲ့ Alma Madrigalဟာ Colombiaရိုးရာဖယောင်းတိုင်ငယ်ထွန်းပွဲမှာ Pedroနဲ့တွေ့ပြီးချစ်ကြိုက်ခဲ့ကြပါတယ်။သူတို့လက်ထပ်ခဲ့ပြီး အမွှာပူးသုံးယောက်မွေးခဲ့တယ်။မကြာခင်မှာပဲသူတို့မြို့ကို စစ်သားတွေဟာကျူးကျော်ဝင်ရောက်ဖျက်စီးလို့ Almaတို့လဲထွက်ပြေးရင်း Pedroဟာသူ့ကိုယ်သူစတေးပြီးသူ့မိန်းမနဲ့ကလေးသုံးယောက်ကိုလွတ်မြောက်စေခဲ့တယ်။ အဲ့တာအပြင် Almaကိုင်ထားတဲ့ဖယောင်းတိုင်လေးကိုမှော်အစွမ်းတွေနဲ့ပိတ်လှောင်ထားပေးခဲ့တယ်။ အဲ့ဖယောင်းတိုင်လေးကနေပဲ Casa Madrigal (Casita)လို့ခေါ်တဲ့မှော်အိမ်ကြီးကိုဖန်ဆင်းပေးခဲ့ပြီး
Madrigalမိသားစုဝင်တစ်ဦးစီကိုလဲ အသက်၅နှစ်ပြည့်တဲ့အခါတိုင်းမှာ မှော်အစွမ်းတစ်ခုစီကိုလက်ဆောင်ပေးလေ့ရှိတယ်။ အဲ့တော့ မှော်ဖယောင်းတိုင်ကို သူတို့ဟာဆွေစဉ်မျိုးဆက် ထိန်းသိမ်းခဲ့ကြတာပေါ့။ အဲ့ဒီမှော်ပညာတွေနဲ့ ဘာတွေဆက်ဖြစ်ကြမလဲဆိုတာတော့ မ spoil တော့ပါဘူး။
ဒီကားက လူငယ်တွေပေါ်ထားရှိတဲ့လူကြီးအများစုရဲ့ပုံစံ ၊ Encantoရဲ့နေထိုင်မှူပုံစံတွေနဲ့ မိသားစုတစ်ခုရဲ့ထားရှိသင့်တဲ့ပုံစံတွေကိုမှတ်သားစရာအဖြစ်ပြသထားပါတယ်။ ဇာတ်ကားတစ်ခုလုံးမှာသီချင်း၈ပုဒ်တောင်ပါဝင်ထားလို့သီချင်းမကြိုက်တဲ့သူအတွက်တော့ပျင်းစရာကောင်းနေမှာပါ။
ဒါပေမဲ့သီချင်းတွေကတကယ်နားထောင်လို့ကောင်းပြီး သီချင်းစာသားတွေကလဲ ဇာတ်လမ်းရဲ့အ‌ကြောင်းအရာအစိတ်အပိုင်းတွေပဲမို့လို့ သီချင်းတွေကိုကျော်ကြည့်ရင်တော့ဇာတ်လမ်းအဓိပ္ပါယ်ကိုသေချာသိရမှာမဟုတ်ပါဘူး။ အဲ့တော့ သီချင်းလေးနဲ့စီးမျှော်ပြီး ကြည့်လိုက်ကြတာပေါ့ဗျာ။

အညွှန်းနဲ့ဘာသာပြန်သူကတော့ Jaker ဖြစ်ပါတယ်